حامد القارحي
سلام اسلام وش معنى سلام اسلام يافـواز
دعينا للطلـب واليـوم جيناكـم وسلمنـا
كثير من العرب ما يعرف الجيد من الممتاز
سمعنـا بالكـلام ومستحيـن ولا تكلمنـا
فواز السعيدي
هلا يامرحبا رحب المعزه والعـزاز عـزاز
وحنـا يـوم جيتـو يـا رفاقتنـا تولمـنـا
ياحامد من سرق بشت الامير وصب فوقه قاز
دخيلك كان عندك علـم يابـن العـم علّمنـا
حامد القارحي
قبل يومين جات مساهمه في صالة القزاز
وخذ منا الصراحه لـو تولمتـم تولمنـا
ومن يبغا الحرابه يبتدي بعلوم الاستفزاز
نبا عاقل يزيل الظلـم لا منـا تظلمنـا
فواز السعيدي
اذانيك امتلت بالهرج .. نص ونص مايعتـاز
وحنا مـن دروس الوقـت يالغالـي تعلمنـا
هذيل صفوفها ماتفترق من خربطات جهـاز
عسى الله ينصر المظلوم ..( بالنصره تحلمنا)
حامد القارحي
علامك ما تفكر كيف صار العجز والاعجاز
طلبنا الله يافـواز فـي الالهـام و لهمنـا
ولا يا لعنبوا هذا الجهاز اللي على الهـزاز
متى نفهمك يا هذا السعيدي وانـت تفهمنـا
فواز السعيدي
ماغير الكهربائي محترف فالكهربه والفاز
وحنا بدو ليت الله من اخطـاره يسلمنـا
الا يابو صخر في وقتنا هذا عبر والغاز
عطيناك العلوم اللي صحيحـه ماتبلّمنـا
حامد القارحي
ولا يامصغر الصوره ولا يامكبر البرواز
سلوم أجدادنا يالذيب تلزمكـم و تلزمنـا
ليا ثورت بندق وانت ما عندك لها مركاز
توخرنا ثمنطعشر سنـه وحنـا تقدمنـا
فواز السعيدي
ترى شرهتك هذي مالها في خاطري مغراز
تمد النا يسارك والصليمي مـد لـك يمنـا
انا كيف أشرح الموضوع ليتك حي يابن باز
وتفتي فـالكلام اللي حصل قـدام يقسمنـا
حامد القارحي
تبا تنحاز عنا ما معك حجه ولا تنحاز
نسلمها على وضح النقا والا تسلمنـا
الا يا الله يا ربا تغلق عازة المعتـاز
ليا ماالله رحمنا ما نبا رحمتك ترحمنا
فواز السعيدي
جبال هذيل ماتنهاز .. لو ضلع الجنوب انهاز
وحنا صف واحـد فاللقـا نكـرب محازمنـا
بديناها بتسليم الوفا .. مانعرف اللـي فـاز
وننهيها بحب خشوم .. لو حامد يخاصمنـا
« آخـــر الـــمــواضيـع »
الإهداءات
منذ /02-08-2010, 01:33 AM
حامد القارحي و فواز السعيدي ( محاورة مباشرة من منتدى هذيل )
رد: حامد القارحي و فواز السعيدي ( محاورة مباشرة من منتدى هذيل )
العرض العادي
